احمد عزت نصاب سيو صح SEOS7.com

نصب احمد عزت صاحب موقع سيو صح

خبراء السيو

سؤال : لو انت ماسك موقع من الالف للياء وبتاخد مقابل فووووق المحترم وجه حد من منافسينك عملك شغل سبام

يبقي مسؤلية مين النتائج اللي ترتبت علي الشغل السبام ده؟

من التعليقات ومن حكم الناس كلها ، انا بقولها علني #احمد_عزت #مؤسس_سيو_صح نصب عليا وسرقني

Ahmed Ezat بينصب علي الناس

رابط الموضوع 
https://www.facebook.com/groups/ARABSEO/permalink/884573438389336/

خبراء السيو

سؤال : لو انت ماسك موقع من الالف للياء وبتاخد مقابل فووووق المحترم وجه حد من منافسينك عملك شغل سبام

يبقي مسؤلية مين انه يكتشف السبام ده ويتنصل منه في وقته ولو سابه بالشهور و حصل نتائج سلبيه ترتبت علي الشغل السبام ده؟ يبقي مين المسؤل؟ مع العلم انه كان في فترة شغل ال 6 شهور اللي ماسك فيهم الموقع ، تحديدا بعد تالت شهر.

من التعليقات ومن حكم الناس كلها ، انا بقولها علني #احمد_عزت #مؤسس_سيو_صح نصب عليا وسرقني في مبلغ 9 الاف دولار

Ahmed Ezat بينصب علي الناس وبيسرقهم باستغلال شهرته

تحدييث : بعد ما الاخوة هنا الاادمنز وبعض الاعضاء شيكوا علي الموقع ، اتضح ان عزت نفسه وفريق العمل معاه هما اللي كانوا عاملين الشغل وفيه منه كتير كان سبام عشان يصعد بالموقع بسرعه في اقل من شهرين في بعض الكلمات السهلة.

لكل اللي عايز يعرف الحقيقة كاملة ، تقدر تتابع كل التعليقات او تشوف البرنت سكرينز من الشات مع عزت

حسبي الله ونعم الوكيل

تعقيبا علي كل الافتراءات والكذب اللي نزلها #احمد_عزت مؤسس #سيو_صح في بوست من شوية واللي طبعا معرفتش ارد عليه فيه لانه عامل ليا بلوك وقاصد من امبارح عشان معرفش ارد عليه

القصة بالكامل اهي من اول يوم لاخر يوم ، والحكم للجميع في الاخر ، وزي ماسبق وقلت للأدمنز كلهم هناAhmed Dev Alaa Abdelsamie Mohamed Salem Abanob Gerges Emad Atia، انا لو طلع ان اي كلمة من اللي بقولها هنا مش صح ، او بتجني علي عزت أو طلع انه عمل لي شغل اصلا كالمتفق عليه ، انا علي استعداد اني ادفع فلوس قد اللي دفعتها لاحمد عزت قدامهم كلهم واعتذر عالملأ.

القصة بدأت بتاريخ أول شهر 6 2016 ، لما طلب مني انه ياخد 1500 دولار شهريا لمدة 6 شهور مقابل انه هيعملي موقع ويكتب محتواه ويعمل كل شئ فيه مقابل انه هيصعدني في 10 كلمات هنتفق عليهم وانه يدخل يشوفهم بنفسه ويشوف لو فيه كلمات اقوي منهم يقترحها في المجال عشان انا معرفش ! انا ماليش ابدا غير اني اشتري الدومين فقط باسمي

كنت حابب استخدم ودمين قديم عندي كان كويس جدا ، رفض ! واقترح دومين اسمه .Fil5edma.com اخترناه من 5 دومينات كان مقترح اسمائها !!

بتاريخ 7 6 2016 حولت له اول حوالة عشان يبدأ واللي اشترط انها تبقي مقدم ، بدأ يشتغل في الموقع علي ويكس اللي هوا اصلا موقع جاهز ومش محتاج يعمل اي شئ غير انه يختار تيمبليت معينه ويحط محتوي ، عمل ده في شهر 6 كامل ،بعد كده بدأ يكمل بقية الصفحات بتاع الخدمات تباعا

اللي حصل في شهر 7 و شهر 8 ان الكلمات بعضها كان سهل جدا والناس هنا عارفه ده ، ان افضل شركة كذا غير شركة كذا ومعليهاش بحث كتير ،، وبدأ معظم الكلمات دي تتقدم في النتايج بسرعه " اللي هيا رقصة جوجل لما موقع بيطلع في الاول والناس هنا عارفه الكلام ده" ، لقينا ان فيه كلمات طلعت فعلا مبيجيش عليها اي اتصالات وكلمت احمد وراجعناها واتفقنا ان بعضها يتغير عشان ملهاش اي لزمة بدون اي تغيير في الاتفاق وهوا وافق علي كده ومطلبش اي فلوس زيادة.

كنت طلبت منه اننا نبدأ ب https وتبقي علي ورد بريس ولكنه رفض علي فكره وقال انه ملوش اي لزمة في نتايج جوجل وفضل انه يكون الموقع عادي وعلي ويكس !! مقدرتش اتكلم لانه هوا المسؤل الاول والاخير امامي عن النتايج كاملة

بتاريخ 16 سبتمبر 2016 يعني بالظبط بعد شهرين ونص من بداية الموقع علي الانترنت حصل تراجع كبير في الموقع "مرفق صورة بالشات بيني وبينه بالتاريخ ده" ولكنه قال ان ده تحديث من جوجل وطبيعي يحصل كده وان 90% من المواقع كلها اتعاقبت واللي شغالين من غير سبام زينا المفروض ميقلقوش لاننا هنرجع تاني بسرعه "مرفق صورة" ورجعت سألته احنا شغالين شرعي اكيد قال ايوه "مرفق صورة" وقال ان ده متوقع لمدة 15 يوم وهترجع الامور لطبيعتها

بتاريخ 23 سبتمبر عرضت علي احمد اني اجيبله ترافيك من الوشيال ميديا "ترافيك حقيقي من ناس عندي في جروبات اعرف اصحابها" قال لا ملوش لزمة ومش هيفرق معانا ، اللي هوا كل الناس انهارده بتتكلم عن اهمية السوشيال سيجنال وهوا وقتها قال لا

بتاريخ 6 اكتوبر بدأ احمد يتأخر في مواعيده اللي اتعود عليها بعد كده بالمناسبة وبعت له انه لازم يلتزم بارسال تقاريره في مواعيدها

بتاريخ 18 اكتوبر "يعني بعد 4 شهور من بداية الموقع علي الانترنت" بعت لاحمد قلت له ان فيه حاجه في النتايج وان ده مش ممكن يكون تحديث واكيد فيه حاجه غلط والنتايج كلها بتتراجع " مرفق صورة " رد احمد بعدها بيوم 19 اكتوبر وقال ان متوسط ترتيب نتايجنا بقي 46 بدل من 50 " والصورة دي هنا تدين احمد اللي بيقول انه سلم النتايج في المقدمة زي ماداير يقول في بوستاته " وواخد سكرين شوت ل افضل نتيجة وصلها الموقع اللي هيا رقصة جوجل بسبب شغل السبام اللي عمله " هنتكلم عنه بعدين"

بتاريخ 28 اكتوبر 2016 قلت لاحمد زي مافي الصور اني مبقتش افرح باي نتايج فوق لانها مش بتثبت ابدا لمدة 24 ساعه وان دي رقصة جوجل ومش بنثبت عليها ابدا "مرفق صور" وبرد احمد ان 3 كلمات فقط في اول صفحة من اصل 10 كلمات بعد شغل 4 شهور ، ده بس ردا علي اللي بيكدب بيه في بوستاته انه وصل للصفحة الاولي في كل الكلمات.

في الصورة اللي بعد كده اللي هيا في نهاية شهر اكتوبر يعني بالظبط بعد انقضاء 4 شهور احمد بنفسه قايل في الشات اننا لسه طالعين اول صفحة من يومين فقط " الحكم لكم"

بدأت لما لقيت النتايح بتتراجع ومفيش صفحة اولي ولا حاجه ، بدأت اني اقول لاحمد اننا لازم نشتغل علي السوشيال سيجنالز ولازم كمان نعمل google my places اللي هيا اننا نظهر في الخريطة

بتاريخ 29 اكتوبر قلت لاحمد اني لما اخترته يشتغل ووافقت انه ياخد 3 اضعاف اقرب حد له في الشغل ده في السوق ، وافقت لانه خبره والمفروض انه يعمل شغل صح وان ردوده عليا في الشغل تكون منطقيه مش يبقي مرمي علي اسباب زي تحديثات جوجل او اي حاجه تانيه عشوائية ملهاش منطق "مرفق صور"

بتاريخ 20 نوفمبر حصل غربله تانية واتراجعنا اكتر من الاول وعلي كلام احمد عزت ان ده رجوع في كل المواقع تاني واني مقلقش وهنرجع تاني افضل من الاول ! مرفق صورة

بتاريخ 15 ديمسبر يعني بعد بالظبط انقضاء 5 شهور ونص , حصل نزول اكبر وبعت لاحمد وكالعادة حجة ملهاش اي منطق "مرفق بالصور"

بتاريخ 25 ديسمبر سألت احمد ان ليه مفيش اي جديد ، ورد اني مقلقش كالعادة " مفق صور"

بتاريخ 3 يناير يعني بعد انقضاء فترة 6 شهور موصلناش فيهم لاي حاجه من المتفق عليها ، احمد بدأ يعمل تنصل من نفسه لبعض اللينكات اللي هوا قال انه شاكك انها مأثرة علينا (هوا اللي عامل الباك لينكس دي)، يعني من الاخر احمد عارف ايه حاصل وبيعمل ايه وايه الباك لينكس اللي عاملها "مرفق صور"

سألته ان هل فيه حد علم علينا قال لا !!!

من 7 يناير 2017 ل 10 يناير ، احمد عزت بنفسه قال انه مكنش شغال عالموقع وكان مسلمه لفريق عمل معاه وانه من الوقت ده بدأ يشتغل عليه تاني بنفسه ،، اللي هوا انا دافع لك فلوس وانت جايب ناس تشتغل مفيش مشكلة بس انك متراعيش ربنا في الشغل ده ولا تديه حقه وخصوصا لما يكون مبلغ 9000 الاف دولار واخدهم !!! انا مقدرتش اقول حاجه لان من الاخر انا كنت لبست "مرفق صور"

بتاريخ 10 يناير احمد عزت نفسه قال بعضمه لسانه ان مفيش اي شغل سبام اتعمل لينا ، مع ان فيه ناس هنا في الجروب اتفضلوا امس بمراجعة الموقع وطلعوا ان فترة ال 6 شهور الاولي احمد عزت نفسه وفريق العمل معاه عملوا شغل سبام كتير وبعتوا ليا منه سكرين شوتش بالتواريخ !!! وقالوا ان ده سبب تراجع موقعك اكتر من مره !!

يعني من الاخر احمد خدعني وغشني لما قال انه مش شغال سبام وشغال شرعي وايت هات

بتاريخ 10 يناير ، احمد بيعزي تراجع نتايج موقعي للعين "الحسد" !! مرفق صور

11 يناير احمد شايف ان التراجع في الترتيب في اليكسا منطقي بعد تراجع النتايج ، يعني معترف ان النتايج تراجعت وده كان في الشهر السادس ، يعني احمد مسلمش شغله زي مابيقول وكاتب في البوست بتاعه

5 فبراير "يعني الشهر السابع" طلبت من احمد خطة واضحه احنا فين وهنعمل ايه في الموقف اللي وصلناله "مرفق صور"

26 فبراير الموقع نزل اكتر واكتر وفي الوقت ده دخلت لادمن من الادكنز هنا طلبت منه يحلل موقعي طلع لي بالصور اللي بعتها لاحمد عزت ان فيه شغل سبام عزت نفسه عامله لكن هوا قال انه هيتنصل منها وقال انه ميعرفش عنها حاجه

بتاريخ 1 مارس طلبت من احمد يبعت لي ملف التنصل عشان اراجعه ، ولما سالته ان اللينكات دي كلها مش احنا اللي عملناها ، رد وقال لا فيه منهم هوا عاملهم لكن هيتنصل منهم عشان ضعاف ،،، الكلمة دي تثبت الحجة علي احمد انه كان شغال غلط وسبام

بتاريخ 3 ابريل بعد ما خلاص جيبت اخري من خبير السيو ، اشهر واحد في الوطن العربي احمد عزت ، بعت له رسالة ياريت الكل يقراها مفادها اني خلاص جيبت اخري واني خسرت كل حاجه وموصلناش ل1 % من النتايج المتفق عليها

بعد نقاش طويل احمد وعد انه هيحل المشكلة وهيشتغل عالموقع بكثافه وهيطلعه و و و وهيعمل خطة زي ماهو مذكور وطلب مني 60 يوم لتنفيذ ده ! ، لكن كعادة ريمه القديمة : لا شئ حدث"

بتاريخ 30 ابريل احمد نفسه بيعترف انه شغال من غير مقابل بعد انقضاء ال 6 شهور الاولي وده عشان النتايج متحققتش "عكس ماهو داير يقول للناس كلها انه سلم النتايج"

بنفس المناقشه احمد اكد ان محصلش تقدم غير ل 3 كلمات في صفحة اولي ومستمرش النتيجة دي ،،، وان ده كله لاسباب خارجه عن ارادته ، اللي هيا اصلا لحد الوقت ده مش عارف كانت ايه !!!! وبعدها عرفته ان دي مسؤليته لكن للاسف كالعادة تنصل من المسؤلية والامانة

بعدها طلبت من احمد عزت انه يدخل اي حد من المجال يحكم عاللي حصل ويقول ده مين يتحمله ، للأسف رفض "مرفق صور"

بتاريخ 3 مايو 2017 احمد عزت وافق انه يرد ماقيمته 40% من المبلغ بالدولار اللي هما هيبقوا 3750 دولار بحسبة اني اشيل النص وهوا يشيل النص من مبلغ 7500 دولار ، باعتبار ان مبلغ 1500 دولار اللي فاضلين من 9 الاف دول راحوا لكتابة محتوي 10 صفحات علي ويكس ، وانه هيبدأ يرد الفلوس دولار زي ماندفعوا بالدولار ، وهيردهم علي 6 شهور (625 دولار) ابتداءا بنهاية شهر مايو . مرفق صور للاتفاق.

من اليوم ده عزت معدش له اي دعوه بالموقع وبقيت اشتغل عليه بنفسي مع فريق عمل خاص بيا بنيته بنفسي ، وحولت الموقع علي ورد بريس واشتريت في بي اس خاص بيا وايبهات وظبطت دنيتي تماما وخليت الموقع فعلا بقي حاجه محترمة ، ومعنتش بشتغل باك لينكس بالمرة.

الصور بعد كده تؤكد ان كان فيه تواصل لرد مبلغ الشهرين الاوليين ، حصل فعلا انه رد شهرين علي بعض بتاريخ 1 7 2017 بملبغ 1250 دولار لما قابلته في اكتوبر

بتاريخ 28 7 الشهر اللي فات ، يعني بعد شهر بعت عشان اشوف هيحول مبلغ الشهر التالت ولا لا ، طلب انه يأجله للشهر اللي بعضه زي ماعملنا الشهرين اللي قبلهم ، ووافقت "مرفق صور"

من 15 ايام بالظبط ، لقيت حد دخل عليا في تعليقات علي موقعي وكتب انه هيعملي شغل سبام وهيعلم عليا وحوارات كده فكسانه ، وانا نفضت للامر ، لكن بعدها بكم يوم لقيتها فعلا سمعت في ويب ماستر تول ، ف بعت لاحمد عزت بالظبط من 10 ايام "مش زي ماهوا داير يذيع عالناس انها في فترة ما كان شغال عالموقع" بعت له اقوله عاللي حصل وطلب منه ينصحني ازاى اعرف الباكلينكس السبام اللي اتعملت ليا واتنصل منها ! ، ولما مردش في ساعتها كنت خلال 10 دقايق بالظبط واصل لكل حاجه من الويب ماستر وحليت المشكلة بنفسي وبعت له قلت له اني خلاص حليت المشكلة وبشكره.

من 5 ايام لما نزلت مصر اتصلت باحمد عشان اشوف واقابله واستلم مبلغ الشهرين التالت والرابع واتصل عليه كتير مش بيرد وابعت له مش بيرد ، مرفق صور

اتفاجئت برده عليا امبارح زي مانتوا شايفين في الصور ، وللأسف نقص وعده وانسحب من كل اجه زي مانتوا شايفين وماسك في اللي بعتهوله من 10 ايام بقوله علي موضوع الباكلينكس السبام اللي لسه حد عاملها لموقعي من ايام فقط ، يعني بعد ماحمد ساب الشغل ب اربع شهور !!!

انا هنا انتهي كلامي ، واي حد كان بيطبل لعزت وقرأ الكلام ومازال شايفه زي ماكان بيطبل له ، يبقي حسابه عند ربنا ، انا ذكرت ده كله عشان اعرف الناس مين عزت ـ اللي صبرت عليه سنة كاملة وزيادة ، واخر كلام بعته له انا بعتهوله علي الواتس اب زي اخر صورتين ،،،

الدنيا علمتني ان مفيش حق بيروح ، وحقي هيرجع لي في الدنيا قبل الاخره ، وهوا عارف اني مش بتاع مشاكل عشان كده استأسد عليا ، انا الحمد لله حد شبعان اوي وهوا عارف ده اتم المعرفة ، ومش مستني منه انه يديني فلوس مش من حقي ، وكمان انا مدخلتش هنا اشهر بيه ، انا لما دخلت في البوست السابق ، دخلت اسأل الناس عن خبرتها في الامر يمكن اكون ظالمة ، كن الكل أكد انه كده نصب عليا ، وانا مش مسامحه يوم القيامة في الوقت والمال اللي ضيعهم ليا .....

احمد عزت Ahmed Ezat نصاب سيو مصري

احمد عزت نصاب